Ригада қайтыс болған Қазақстан азаматы Асылбек Мусиннің өлімі бойынша қозғалған қылмыстық іс жабылды. Бұл туралы Tengrinews.kz тілшісіне ҚР СІМ баспасөз қызметінің өкілдері хабарлады.
"Полицияның мәліметінше, қылмыстық істе қылмыс құрамы болмағандықтан іс жабылды", - деп хабарлады ведомство өкілдері.
Еске салайық, былтыр 27 желтоқсанда Латвия астанасы Ригада Қазақстан Президенті Әкімшілігінің экс-жетекшісі Аслан Мусиннің ұлы - Асылбек Мусиннің қайтыс болғаны хабарланған болатын. Оқиға 22-нен 23 желтоқсанға қараған түні болған. Іс 22 желтоқсан сағат 23:42-де полицияда тіркелді. Полицейлердің ақпараты бойынша, марқұм 15-қабаттан құлаған. Асылбек Мусин Қазақстан елшілігінің консулдық тіркеуінде болмаған. Кей мәліметтер бойынша, оның елде тұруына ықтияр хаты болған.
