Ішкі істер министрінің бірінші орынбасары Марат Қожаев Алматыдағы мектепте жеті жасар баланы зорлау оқиғасына қатысты пікір білдірді, - деп хабарлайды Tengrinews.kz тілшісі.
Үкімет кулуарында Tengrinews.kz тілшісі Қазақстанда мектеп оқушыларының зорлану деректері көбеюіне не себеп екенін және істі ведомство қалай тексеріп жатқанын білуді жөн көрді.
"Бұл іс соталды тергеп-тексерудің бірыңғай тізілімінде тіркелген, сондықтан соалды тергеп-тексеру басталды, мен тергеу барысы туралы пікір бере алмаймын немесе алдын ала болжам жасай алмаймын. Процессуалдық заң бұған тыйым салады. Сондықтан, тергеу нәтижесін күтейік. Әзірге күдіктілер жоқ, қажетті сараптамалар тағайындалды", - деді Қожаев журналистің сұрағына жауап беріп.
Еске сала кетейік, оқиға туралы жәбірленушінің анасы хабарлаған болатын. Әйел жеті жастағы баласына қатысты оқиғаны егжей-тегжейлі сипаттап, видео түсірген.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
