19 қазан 2021 18:07

Мамандар Сырдария неге тартылып жатқанын түсіндірді

Жансая Қадыржанова Корреспондент

ПОДЕЛИТЬСЯ

Экология министрлігі Қызылорда облысында Сырдария өзенінің суы неге тартылып қалғанын айтты, - деп хабарлайды Tengrinews.kz тілшісі.


Экология министрлігі Қызылорда облысында Сырдария өзенінің суы неге тартылып қалғанын айтты, - деп хабарлайды Tengrinews.kz тілшісі.

Қызылорда тұрғындары видеодан Сырдария өзенінің тартылып қалғанын көрсетті. Жергілікті тұрғындардың айтуынша, қазір өзен мүлде ақпайды.

"Су ағып жатқан жоқ. Енді не болатынын білмеймін. Бұрын мұндай болған емес. Бұрын аздап болса да ағатын. Қорқынышты көрінеді", - деп шағымданды +7 777 001 44 99 WhatsApp-нөміріне видео жіберген ер адам.

Экология, геология және табиғи ресурстар министрлігі Қызылорда облысындағы экологиялық жағдай Арал-Сырдария бассейнінің суына байланысты екенін және судың төмен айналымы 2019 жылдан бері жалғасып келе жатқанын түсіндірді.

"Сырдария өзенінің суы Қырғызстан, Тәжікстан және Өзбекстанның су шаруашылығы қызметіне және Қырғызстандағы Тоқтоғұл суқоймасында су жиналуына байланысты анықталады. Биыл Тоқтоғұл суқоймасында жиналған су көлемі 2019 жылмен салыстырғанда 5 миллиард текше метрге аз. Вегетациялық кезеңнің басында шамамен 15 миллиард текше метр су жиналса, қалыпты саналады. Бірақ 1 сәуірдегі жағдай бойынша суқоймасында 8,7 миллиард қана болған, бұл 2020 жылға қарағанда 2,9 миллиардқа аз", - деп хабарлады министрлікте.

Тоқтоғұл суқоймасы Нарын-Сырдария суқоймаларының құрамына кіреді. Сондай-ақ, қазір суқоймасы энергетикалық режимге көшкені, Түркістан облысындағы Сырдария өзенінің бойында орналасқан Шардара суқоймасына түсу вегетациялық кезеңде азаятыны және вегетациялық аралық кезеңде артатыны түсіндірілді.

"Осыған орай Шардара суқоймасын ағызу мен толтыру режимі Сырдария өзенінің жоғарғы ағысында орналасқан суқоймаларының жұмыс режиміне және көрші елдердегі су жағдайына байланысты болады.

Шардара суқоймасы толтыру режимінде жұмыс істейді. Резервуардан суды ағызу секундына 50 текше метр ағынмен жүзеге асады, кіріс секундына 140 текше метр", - деп хабарлады Экология министрлігінде.

Тәжікстан мен Өзбекстанда вегетациялық кезең биыл қазанның соңына дейін созылады. Сондықтан Шардара суқоймасына судың келуі мен Сырдария өзенінің төменгі ағысына су ағызу көлемінің ұлғаюы туралы мәселе қарашада болатын Мемлекетаралық су үйлестіру комиссиясының 81-отырысында қаралады. Олар Сырдария өзені бассейнінде 2021 жылдың вегетациялық кезеңінің қорытындысын шығарып, мемлекеттердің су алу шегін, 2021-2022 жылдардағы вегетациялық емес маусымда Нарын-Сырдария суқоймалары каскадының болжамды жұмыс режимін келіседі.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Как вам дизайн сайта Tengri News?
Пройти опрос
Читайте также
Join Telegram

Валюта бағамы

 449.3   483   4.85 

 

Ауа райы

 

Редакция Жарнама
Социальные сети