1. Басты
  2. Біл
  3. Жаңалықтар
  4. Ел жаңалықтары

Маңғыстау облысында туған күн өткізген шенеуніктің видеосы тарады14 қыркүйек 2020, 15:24

Видеодан алынған кадр Видеодан алынған кадр

Маңғыстау облысында карантин кезінде отырыс өткізгендердің видеосы тарады. Автордың айтуынша, видеоға Маңғыстаудың экономика және бюджеттік жоспарлау басқармасының басшысы Марина Әлбекова түсіп қалған, - деп хабарлайды Tengrinews.kz тілшісі.

Видео Yedilov online Telegram каналында пайда болды.

"Маңғыстау облысының экономика және бюджеттік жоспарлау басқармасының басшысы Марина Әлбекова өзінің туған күнін атап өтті", - деп жазды видео авторы.

Редакция осы видеоның мән-жайы анықтау үшін облыстың Тауарлар мен қызметтердің сапасын бақылау департаментіне хабарласты.

"Лауазымды тұлға Департаментке түсініктеме беру үшін шақырылды. Әкімшілік құқық бұзушылық туралы кодекстің 425-бабының 1-бөлігі ("Халықтың санитариялық-эпидемиологиялық саламаттылығы саласындағы заңнама талаптарын бұзу") бойынша әкімшілік жауапкершілікке тартылады. Тексеріс қорытындысы бойынша облыс әкімдігі Тауарлар мен көрсетілетін қызметтердің сапасы мен қауіпсіздігін бақылау департаментіне шара қолдану үшін хат жолдайды", - делінген хабарламада.

Қазақстан жаңалықтары. Соңғы жаңалықтар. Telegram желісінде бізге жазыл!