+7 (777) 001 44 99
ПОДЕЛИТЬСЯ
Маңғыстау облысында баспана құрылысында заңбұзушылыққа жол берген мердігерлер 14 миллионнан астам теңге айыппұл төлейді, - деп хабарлайды "Хабар 24".
Маңғыстау облысында баспана құрылысында заңбұзушылыққа жол берген мердігерлер 14 миллионнан астам теңге айыппұл төлейді, - деп хабарлайды "Хабар 24".
Прокуратура келтірген мәліметтер бойынша, кейбірі тұрғын үй кешендерін салуды мемлекеттік сараптама нәтижесін күтпестен бастап кеткен. Тағы бірінің жобалық-сметалық құжаттары болмай шықты. Құрылыс-монтаж жұмыстарын рұқсатсыз жүргізіп жатқандары да анықталды. Жинақталған мәліметтер мемлекеттік сәулет-құрылыс бақылау басқармасына жолданған. Олар өз кезегінде құрылыс компанияларын айыппұл төлеуге міндеттеп отыр.
"7 тәулік ішінде төлеген жағдайда 50 пайызға қысқартылады. Қазіргі таңда соған байланысты 7 миллион 152 мың 105 теңге айыппұл мемлекет кірісіне өндірілді. Осы кезеңде басқарма 3 тексеру жұмысын жүргізді. 31 әкімшілік іс жасақталды, бесеуі сот органдарына жолданды", - деді облыстық мемлекеттік сәулет-құрылыс бақылау басқармасы басшысының міндетін атқарушы Әлібек Кеңесұлы.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
