Маңғыстау облысының Түркістанға сыйы: Күзде амфитеатр ашылады

23 Мамыр, 12:00
0

Рухани астана тұрғындарының игілігіне біршама уақыттан соң амфитеатр ғимараты қызмет көрсететін болады. Биылғы жылдың сәуір айында құрылыс жұмыстары басталған ғимарат қазан айында аяқталады деп жоспарланып отыр, - деп хабарлайды Тengrinews.kz тілшісі Түркістан облысы әкімдігінің баспасөз қызметіне сілтеме жасап. 

1000 орынға лайықталған заманауи кешеннің жалпы көлемі 2400 шаршы метрге тең. "Рухани-мәдени орталық" аймағындағы 0,56 гектар жерге жүргізіліп жатқан құрылыс алаңында күндіз - 22, түнгі аусымда 10 жұмысшы еңбек етуде.

Құрылысқа жауапты "АА-Стройинжиниринг" ЖШС мердігер компаниясының учаске бастығы Абай Абдурахманов  жұмыс өз қарқынымен жүргізіліп жатқандығын айтып, алдағы уақытта нысан келісілген мерзімде аяқталататындығын жеткізді. 

Елбасы - Тұңғыш Президент Н.Назарбаевтың бастамасымен Түркістан қаласының облыс орталығы атану құрметіне орай республикамыздағы өзге облыс әкімдіктері жаңа облыс орталығына бір-бір ғимараттан салып, сыйға тартатын болған. Соның бірі - амфитеатр Маңғыстау облысы әкімдігінің сыйы. 

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай