Мектеп оқушылары 6 сәуірден бастап қашықтан оқуға көшеді 27 наурыз 2020, 15:56
Қазақстандық оқушылар 6 сәуірден бастап қашықтан оқуға көшеді, - деп хабарлайды Tengrinews.kz тілшісі.
CОVID-19 коронавирусының таралуының алдын алу мақсатында Бас мемлекеттік санитарлық дәрігердің қаулысында: "6 сәуірден бастап барлық орта білім беру ұйымдарын қашықтықтан оқытуға ауыстыру туралы" хабарланған.
Еске салайық, 12 наурызда премьер-министрдің орынбасары Ералы Тоғжанов коронавирусқа байланысты мектептерде 16 наурыз бен 5 сәуір аралығында сабақ болмайтынын айтты.
"16 наурыздан бастап, колледждер, жоғары оқу орындарын қашықтықтан оқытуға, оның ішінде білімді бағалаудың барлық түрін қашықтықтан жүргізуге ауыстырылады", - деді ол орталық коммуникациялар қызметінде өткен баспасөз мәслихатында.
Сонымен қатарғ кеше 26 наурызда коронавирус пандемиясына байланысты Қазақстан мектептерінде сабақты өткізу ұзақтығы 30 минут болатыны хабарланды. Абаев елімізде қашықтан оқытуға дайындық жұмыстары жүргізіліп жатқанын және жұмыс тобы құрылғанын айтты.
Қазақстан жаңалықтары. Соңғы жаңалықтар. Telegram желісінде бізге жазыл!