Жамбыл облысында балалардың жаппай улану оқиғасы бойынша прокуратура пікір білдірді, - деп хабарлайды Tengrinews.kz тілшісі Жамбыл облысының прокуратурасына сілтеме жасап.
7 қарашада Сарыкемер ауылының Н.Киікбаев атындағы мектеп-гимназиясының 46 оқушысы мен 2 мұғалімі Байзақ ауданы орталық ауруханасының жұқпалы аурулар бөліміне тамақтан улану белгілерімен жүгінген.
Қазіргі уақытта тексеру нәтижелері бойынша 35 адам ауруханаға жатқызылды (33 оқушы және 2 мұғалім). Сонымен қатар, санитарлық-эпидемиологиялық қызмет тиісті тексеруді тағайындағаны айтылды.
"Аталған жайт Байзақ аудандық полиция бөлімімен ҚК-тің 304-бабының 1-бөлігі бойынша (cанитариялық қағидаларды немесе гигиеналық нормативтерді бұзу) СДТБТ-ге тіркеліп, іс аясында қажетті тергеп-тексеру шаралары жүргізіліп жатыр. Қылмыстық істің тергелуі облыс прокуратурасының бақылауында", - делінген хабарламада.
ҚПК 201-бабының талаптарына сәйкес басқа мәліметтер жарияланбайды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
