Назарбаев жұмыс сапарымен Қырғызстанға барды

11 Тамыз 2015, 14:50
5
© Akorda.kz
© Akorda.kz

Нұрсұлтан Назарбаев жұмыс сапарымен Қырғызстанға барды, - деп хабарлайды Tengrinews.kz тілшісі Ақорданың баспасөз қызметіне сілтеме жасап.

"Елбасы жұмыс сапарымен Қырғыз Республикасына келді. Сапар аясында Мемлекет басшысының Президент Атамбаевпен кездесуі, сондай-ақ мемлекеттік шекараның Қазақстан-Қырғыз учаскесінде кедендік бақылауды доғару рәсіміне қатысуы жоспарланған", - деп жазылған Қазақстан Президентінің ресми сайтында.

Еске сала кетейік, Қырғызстанның Еуразиялық экономикалық одаққа кіруіне орай бұл аймақта кедендік бақылау доғарылады.

Осыған дейін Назарбаевтың баспасөз хатшысы Президенттің Қырғызстанға не үшін баратынын айтып берген болатын. "Келіссөздер аясында инвестиция саласындағы серіктестік және өнеркәсіп, жол құрылысы, туризм мен трансшекаралық өзендерді пайдалану бойынша нақты мәселелер қаралады", - деді Абаев.

Ол кездесу барысында екі тарап ЕАЭО шеңберінде Қырғызстанға қолдау көрсету мәселелерін талқылайтынын айтты.

 

  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (5)
Оқылып жатыр
Талқыланып жатыр
Бүгін
Апта
Ай