Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Назарбаев пен Си Цзиньпин ұлттық валюталардың құнсыздануын талқылайды - Президент баспасөз хатшысы

24 Тамыз 2015, 17:00
0
© Ақорда баспасөз қызметі
© Ақорда баспасөз қызметі

Нұрсұлтан Назарбаев Қытайға Си Цзиньпинмен бірге әлемдік экономикадағы күрделі жағдайды талқылау үшін барады, - деп хабарлайды Tengrinews.kz тілшісі Президенттің баспасөз хатшысы Дәурен Абаевқа сілтеме жасап.

"31 тамызда Қазақстан Президенті арнайы шақыртумен Қытайдың Бейжің қаласына барады. Біз ҚХР төрағасы Си Цзиньпинмен кездесіп, Жеңістің 70 жылдығын тойлау мерекесіне қатысамыз. Мемлекет басшысы әлемдік экономикадағы дағдарыс қарсаңында екіжақты ынтымақтастықтың барлық бағытын талқылайды", - деді Абаев.

Ол сапар барысында индустрия, инвестиция, энергетика мен логистика саласында бірнеше келісімшартқа қол қойылатынын айтты.

"Мемлекет басшысы "Нұрлы жол" және "Жаңа Жібек жолы" бойынша тауар айналымын арттыру мәселесін де қарастырады. Сапар барысында Нұрсұлтан Назарбаев Қытай Мемлекеттік кеңесінің премьері Ли Кэцянмен және Қытайдағы алып корпорациялардың бірінің иесімен кездеседі. Кездесулер аясында ортақ инвесторлық жобаларды қолға алу мәселесі талқыланады", - деді Президенттің баспасөз хатшысы.

Ол осы сапар Қазақстан мен Қытайдың арасындағы стратегиялық ынтымақтастықтың жаңа кезеңіне өтуіне мүмкіндік туғызатынына үміттенетінін айтты.

Абаев Назарбаевтың Қытайға мемлекеттік сапармен бара жатқанын, яғни мұның ең жоғары деңгейдегі сапар екенін баса айтты.

"Менің білуімше, Қытайға Жеңіс Күніне орай бара жатқан басшылардың ішінде Нұрсұлтан Әбішұлы Назарбаевқа ғана мемлекеттік сапармен келу мәртебесі бұйырды", - деді Ақорда өкілі. Ол Елбасының қытайға сапары барысында басқа елдің басшыларымен де екіжақты кездесулер өткізетінін мәлімдеді.

"Нұрсұлтан Әбішұлы айтқандай, дағдарыс - бұл жаңа мүмкіндік, сондықтан да біз Қытайға жаңа мүмкіндіктерді пайдалану үшін бара жатырмыз", - деді баспасөз хатшысы.

 

Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай