Назарбаев спортты қаржыландыру жүйесін жетілдіруге бағытталған заңға қол қойды

11 Мамыр 2017, 13:08
10
Назарбаев спортты қаржыландыру жүйесін жетілдіруге бағытталған заңға қол қойды -

Нұрсұлтан Назарбаев спортты қаржыландыру жүйесін жетілдіруге бағытталған заңға қол қойды, - деп хабарлайды Tengrinews.kz тілшісі.

"Мемлекет басшысы спортты қаржыландыру жүйесін жетілдіруге бағытталған "Қазақстан Республикасының кейбір заңнамалық актілеріне дене шынықтыру және спорт мәселелері бойынша өзгерістер мен толықтырулар енгізу туралы" Қазақстан Республикасының Заңына қол қойды", - делінген Ақорданың сайтында.

Айта кетейік, осыған дейін Қазақстанның Мәдениет және спорт министрлігі шетелдік футболшыларды мемлекеттік бюджет есебінен қаржыландыруды тоқтатуды жоспарлап отырғаны хабарланған. Спорт және дене шынықтыру істері комитетінің төрағасы Елсияр Қанағатовтың түсіндіруі бойынша, бұл норма Парламент Сенатына қарауға жіберілетін дене шынықтыру және спорт мәселелері бойынша заңнамалық актілеріне енгізілетін түзетулер қатарында. 

"Мен де қарсымын. Бұл заң арқылы шетелдік легионерлерге бюджеттен төлемді мүлде тоқтатқымыз келеді. Легионерді шақырғың келсе, демеушілер тап, бөлек ақша ізде. Спортқа бөлінген қаржы осылай реттегіміз келді", - деді Қанағатов Әлеуметтік-мәдениеттік даму және ғылым комитетінің Парламент Сенатындағы отырысының үзілісінде. 

Осы арқылы министрлік қаржының көп бөлігі басымдығы бар спорт түрлеріне бөлмек. 

Мәдениет және спорт министрінің орынбасары Сәкен Мұсайбеков заң жобасы бойынша Қазақстан тарихта алғаш рет министрлік ғимаратын Ұлттық олимпиада комитетіне бертінін айтты. Бұл олимпиадалық спорт түрлері бойынша федерацияларды дамыту үшін жасалады. 

"Халықаралық деңгейде жетістігіміз бар, 5 критерий бойынша таңдаймыз. Халықаралық деңгейдегі жетістік негізгі болады. Материалды-техникалық база, кадрлық резерв, бапкерлер барына, әр облыста спортшылары болуына, тарихи принцип бойынша, қандай спорт түрлері бізде жақсы және климаттық жағдайға қараймыз. Анықталғаннан кейін қаржыландыру жүреді. Бұл басқа спорт түрлері қаржыландырылмайтынын білдірмейді", - дейді Мұсайбеков. 

"Футболға оралайын. Бюджеттен бөлінген қаржыны толықтай немесе 40-45 пайызын беріп тастау болмайды. Кей облыстарда футболды қаржыландыру үшін 50 пайызын жұмсап отырған. Осы кезде нәтиже бар өзге сопрт түрлеріне зиян келген", - дейді ол. 

Елсияр Канағатов министрліктің басымдығы бар спорт түрлері барлық құрылымдарда болуына қол жеткізгісі келетінін айтады. 

"Мысалы, каноэде ескек есу ОҚО-да басым болса, барлық құрылымда жоқ болмай шығады. Сабақтастық болу керек, балалар мен жасөспірімдерге арналған сопрт мектептерінде қайық пен каноэде ескек есу сыныбы болуы керек, облыстық интернатта, олимпиадалық резерв дайындау орталығы мен жоғары спорт шеберлігі мектебінде бөлім болу қажет", - деп аяқтады Қанағатов. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (10)
Оқылып жатыр
Талқыланып жатыр
Бүгін
Апта
Ай