08 қыркүйек 2021 10:56

Nur Otan Қаржы министрлігіне шүйлікті

Дина Шарипханова Корреспондент

ПОДЕЛИТЬСЯ

Фото: Тұрар Қазанғапов/©️TENGRINEWS Фото: Тұрар Қазанғапов/©️TENGRINEWS

Nur Otan партиясы жанындағы Экономикалық даму және кәсіпкерлікті қолдау жөніндегі қоғамдық кеңестің төрағасы Аманжан Жамалов Қаржы министрлігі бизнесті тексеруге мораторийді алып тастау туралы ұсынысымен Президент тапсырмасын бұзады деп санайды, - деп хабарлайды Tengrinews.kz тілшісі.


Nur Otan партиясы жанындағы Экономикалық даму және кәсіпкерлікті қолдау жөніндегі қоғамдық кеңестің төрағасы Аманжан Жамалов Қаржы министрлігі бизнесті тексеруге мораторийді алып тастау туралы ұсынысымен Президент тапсырмасын бұзады деп санайды, - деп хабарлайды Tengrinews.kz тілшісі.

Мәжіліс депутаты Аманжан Жамалов әлеуметтік желілердегі парақшасында Қаржы министрлігінің микро және шағын бизнесті тексеруге мораторийді алып тастау туралы ұсынысына қатысты өз ұстанымын білдірді. Жамаловтың айтуынша, мораторийді Мемлекет басшысы 2023 жылға дейін тексеру қызметін қайта қарау, жазадан алдын алуға дейінгі саясатты қайта форматтау мақсатында енгізген. Сонымен қатар, мораторий пандемия басталғаннан кейін шағын бизнесті қажетсіз әкімшілік қысымнан қорғауға көмектесті.

Жамалов министрлік Президент жолдауын алға тартып отырғанын айтты.

"Қаржы министрі Президет жолдауынан салық әкімшілігін қатаңдату себебін қайдан тапты? Мемлекет басшысы жергілікті бизнесті дамыту, инвестициялар мен салық базасын ұлғайту қажеттігі туралы айтты. Еске салайын, 2021 жылы 15 қаңтарда VII шақырылған Парламенттің бірінші сессиясының ашылуында сөйлеген сөзінде Президент үкіметке шағын және орта бизнесті қолдауға назар аударуды тапсырды. Салықты қайта қарау кодексті жеңілдету, іскерлік белсенділік пен бәсекелестікті ынталандыру тұрғысынан", - деді депутат.

Nur Otan өкілінің айтуынша, министрлік Мемлекет Басшысының тапсырмасын орындамай, өздері үшін тапсырма ойлап тауып, субординацияны бұзған.

Айта кетейік, 2 қыркүйекте Үкімет отырысында қаржы министрі Ерұлан Жамаубаев шағын бизнесті тексеруге рұқсатты қайтарып, 2019 жылғы желтоқсанда Президент Қасым-Жомарт Тоқаев жарлықпен енгізген мораторийді алып тастауды сұраған болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Читайте также
Join Telegram

Валюта бағамы

 448.12   483   4.85 

 

Ауа райы

 

Редакция Жарнама
Социальные сети