1. Басты
  2. Біл
  3. Жаңалықтар
  4. Ел жаңалықтары

Нұр-Сұлтанда 18 мамырдан бастап қандай нысандар жұмыс істей бастайды?

Нұр-Сұлтанның бас санитар дәрігері Жанна Прәлиева 18 мамырдан бастап қандай нысандар жұмыс істей бастайтынын айтты, - деп хабарлайды Tengrinews.kz тілшісі.

"18 мамырдан бастап қоғамдық тамақтану орындары жұмыс істей бастайды. Оған 50 орындық жаздық кафелер мен мейрамханалар жатады. Сондай-ақ, балабақшалардағы кезекші топтардың, түзету кабинеттерінің тек жеке сабақтарға арналған жұмысы жатады. 

Сауда орталықтарын ойын-сауық нысандарынсыз, қоғамдық орындарда, фудкорттарсыз, сұлулық салондарында маникюр, педикюр, косметологиялық қызмет көрсетусіз жұмысын жаңарту нұсқасы қарастырылады. Сондай-ақ ХҚКО ашу нұсқасы қарастырылып жатыр", - деді Жанна Прәлиева.

Қазақстан жаңалықтары. Соңғы жаңалықтар. Telegram желісінде бізге жазыл!