16 сәуір 2021 18:41

Нұр-Сұлтанда көлігіне "тапсырыспен кісі өлтіру" деп жазған жүргізуші жазаланды

ПОДЕЛИТЬСЯ

Нұр-Сұлтанда "тапсырыспен кісі өлтіру" деген жазуы бар көлік жүргізушісі ұсталды, - деп хабарлайды Tengrinews.kz тілшісі.


Нұр-Сұлтанда "тапсырыспен кісі өлтіру" деген жазуы бар көлік жүргізушісі ұсталды, - деп хабарлайды Tengrinews.kz тілшісі.

Полиция өкілдері әлеуметтік желілерде бақылау жүргізіліп, тәртіп сақшылары көлікті бір сағат ішінде анықтағанын айтты.

"Жүргізушінің айтуынша, артқы әйнегінде "тапсырыспен кісі өлтіру" деген жазуы бар көлікті бір ай бұрын Петропавлда сатып алған. Бірақ жазуды өшірмеген. Құжаттарды тексеру кезінде 27 жастағы жүргізуші көлік құралын басқару құқығынан айырылғаны анықталды", - деді полиция өкілі.

Құқық қорғау органдары жүргізушінің кешірім сұраған видеосын жариялады.

"Техникалық регламент талаптарына сәйкес келмейтін әрекеті және көлік жүргізу құқығы жоқ бола тұра тізгінге отырған жүргізуші 590-баптың 5-бөлігі "көлік құралдарын пайдалану ережелерін бұзу" және 612-баптың 2-бөлігі "көлік құралын құжатсыз және басқару құқығы жоқ адамның басқаруы" бойынша әкімшілік жауапкершілікке тартылды", - деп толықтырды елордалық полиция департаменті өкілдері.

Көлік коммуналдық тұраққа қойылды, жүргізуші жазуды сол жерде өшірді.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!

Как вам дизайн сайта Tengri News?
Пройти опрос
Читайте также
Join Telegram

Валюта бағамы

 449.3   483   4.85 

 

Ауа райы

 

Редакция Жарнама
Социальные сети