Нұр-Сұлтанда және бірнеше облыста ауа райының қолайсыздығына байланысты ескерту жарияланды, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.
Нұр-Сұлтан қаласында 8 желтоқсанда бұрқасын, көктайғақ сақталады, оңтүстік-батыстан жел соғады, түнде және таңертең екпіні секундына 15-20 метр. Дауылды ескертудің ықтималдылығы 90-95 пайыз.
8 желтоқсанда Ақмола облысының кей жерлерінде көктайғақ, бұрқасын күтіледі. Оңтүстік-батыстан жел соғады, кей жерлерде күші секундына 15-20 метр. Көкшетау қаласында 8 желтоқсанда жолдарда көктайғақ күтіледі. Түнде және таңертең оңтүстік-батыстан жел соғады, екпіні секундына 15-20 метр. Дауылды ескертудің ықтималдылығы 90-95 пайыз.
8 желтоқсанда Қостанай облысының кей жерлерінде жаяу бұрқасын, тұман, көктайғақ күтіледі. Оңтүстік-батыстан жел соғады, күші кей жерлерінде секундына 15-20 метр күтіледі.
8 желтоқсанда Қызылорда облысының кей жерлерінде тұман сақталады. Күндіз солтүстік-шығыстан, шығыстан соғатын желдің күшеюі кей жерлерде секундына 15-20 метр күтіледі. Дабылды ескертудің ықтималдылығы 95-100 пайыз
8 желтоқсан Солтүстік Қазақстан облысында кей жерлерінде тұман, көктайғақ, жаяу бұрқасын күтіледі. Оңтүстік-батыстан жел соғады, күші кей жерлерінде секундына 15-20 метр күтіледі. Петропавл қаласында түнде 8 желтоқсанда оңтүстік-батыстан жел соғады, күші секундына 15-20 метр. Дауылды ескертудің ықтималдылығы 90-95 пайыз.
