Өскеменде студент телефонын бөтен адамдар пайдаланып, кредит рәсімдегенін хабарлады 10 желтоқсан 2021, 08:42
Өскеменде оқу орындарының бірінің бірінші курста оқитын 18 жастағы студенті полицияға шілдеден қарашаға дейін белгісіз біреулер оның атына бірнеше несие рәсімдегенін хабарлады. Қыздың айтуынша, мұны белгісіздер оның телефонын пайдаланып жасаған, - деп хабарлайды Tengrinews.kz тілшісі YK-news.kz басылымына сілтеме жасап.
Полицияның мәліметінше, жалпы шығын 900 мың теңге болған.
"Бұл әрекетте жәбірленушінің 18 жастағы екі сыныптасы күдікке ілінді", - деп хабарлады Өскемен қалалық ПБ баспасөз қызметі.
Қылмыстық кодекстің 190-бабының 2-бөлігі ("Алаяқтық") бойынша сотқа дейінгі тергеу басталды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!