+7 (777) 001 44 99
ПОДЕЛИТЬСЯ
Болат Жұмабеков Петропавл қаласының әкімі қызметінен кетті. Қаланың бұрынғы басшысы отставкаға кеткені туралы Facebook-парақшасында жазды, - деп хабарлайды Tengrinews.kz тілшісі.
Болат Жұмабеков Петропавл қаласының әкімі қызметінен кетті. Қаланың бұрынғы басшысы отставкаға кеткені туралы Facebook-парақшасында жазды, - деп хабарлайды Tengrinews.kz тілшісі.
"Бүгін мен отставкаға кету туралы шешім қабылдадым. Үш жыл ішінде біз бірлесіп көптеген сынақтардан өттік: карантин, қаланың жабылуы, қаңтардағы оқиғалар, ТКШ және құрылыс бойынша көптеген мәселелер. Осы кезеңдерде қалалық әкімдіктің барлық командасы өздерін кәсіби жағынан көрсетті", - деп жазды Болат Жұмабеков.
Болат Жұмабеков 2019 жылы сәуірде Петропавл әкімі болып тағайындалған болатын.
Болат Серікұлы Жұмабеков Көкшетау облысы Қуйбышев ауданының Қуйбышев ауылында 1972 жылдың 5-ші қарашасында дүниеге келген. Ол Ақмола ауыл шаруашылығы институтын және Қозыбаев атындағы Солтүстік Қазақстан мемлекеттік университетін тәмамдаған. Агроном және заңгер.
Еңбек жолын 1995 жылы СҚО Тимирязев ауданында шаруашылық қожалығының агрономы қызметінен бастаған.
1999-2005 жылдар аралығында Тимирязев ауданы жер ресурстарын басқару бойынша комитеттің төрағасы болған.
2005-2007 жылдарда СҚО Тимирязев ауданы ауыл шаруашылық бөлімінің басшысы.
2007-2009 жылдар аралығында Тимирязев ауданының әкімі қызметін атқарған.
2009 жылдың сәуір айынан 2011 жылдың қыркүйегіне дейін СҚО әкім аппаратының жетекшісі.
2011 жылдың қыркүйегінен бастап Солтүстік Қазақстан облысы әкімінің орынбасары, 2014-2018 жылдар аралығында СҚО Қызылжар ауданы әкімі қызметтерінде болды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
