1. Басты
  2. Біл
  3. Жаңалықтар
  4. Ел жаңалықтары

Президент отбасылық жанжал шығаратындардың жазасын қатаңдатуды тапсырды 16 қараша 2021, 17:28

Президент Қасым-Жомарт Тоқаев әйелдерін ұрып-соғатын ер адамдарды қадағалауды, олар үшін жазаны күшейтуді тапсырды, сонымен қатар тұрмыстық
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек
  • Қате таптыңыз ба?

Президент Қасым-Жомарт Тоқаев әйелдерін ұрып-соғатын ер адамдарды қадағалауды, олар үшін жазаны күшейтуді тапсырды, сонымен қатар тұрмыстық зорлық-зомбылықтың Қылмыстық кодекске қайта оралу мәселесін көтерді, - деп хабарлайды Tengrinews.kz тілшісі.

"Өкінішке орай, біздің қоғамда әйелдер тұрмыстық зорлық-зомбылықтың жиі құрбаны болып жатады. Кеңестің бесінші отырысында осы тақырыпты талқылап, жағдайды жақсарту бойынша нақты шешімдер қабылдадық. Атап айтқанда, менің тапсырмам бойынша әйелдерді қорғау жөніндегі арнайы бөлімшелер жұмыс істейді. Осы бағыттағы өзгерістерді жалғастыру қажет", - деді Тоқаев.

Оның айтуынша, отбасылық-тұрмыстық зорлық-зомбылықтың алдын алу үлкен маңызға ие. Бұзақы адамдармен жүйелі түрде әлеуметтік оңалту және тәрбие жұмыстарын жүргізу қажет. Қоғамдағы зорлық-зомбылық деңгейін төмендету бойынша отбасылық тәрбие, мәдени тәрбие мәселелерін қамтуы тиіс шаралар кешенін қабылдау талап етіледі.

"Құқық бұзушыларға қойылған шектеулер іс жүзінде орындалуы маңызды. Сондықтан полиция қорғаныс ережелері институтын жетілдіруді бастады. Мысалы, тәулік бойы қызмет ететін патрульдік полиция қызметкерлері бұйрықтардың сақталуын бақылауы керек, бұл олардың жұмысы. Бұл отбасылық-тұрмыстық зорлық-зомбылық жасайтын адамдарға бақылауды күшейтуге, осындай құқық бұзушылықтар тәуекелін азайтуға мүмкіндік береді.

Өздеріңіз білетіндей, бұрын ұрып-соғу және денсаулыққа қасақана жеңіл зиян келтіру қылмыс санатынан шығарылған болатын. Бұл қылмысты 700-ден 20 мыңға дейін арттыруға мүмкіндік берді. Алдын алу тиімділігін арттыру үшін осы Әкімшілік құқықбұзушылық үшін жауапкершілікті қатаңдату қажеттігін пысықтаған жөн", - деді Мемлекет басшысы.

Мемлекет басшысының айтуынша, қылмыстық заңнаманы түгелдей оңтайландыру жұмыстары жүргізіліп жатыр. Атап айтқанда, жеке адамға қарсы, оның ішінде отбасылық және күнделікті өмірдегі қылмыстарға қарсы іс-қимыл мәселелері жан-жақты зерттелетін болады.

"Осы жұмыстардың қорытындысы бойынша біз жоғарыда аталған әкімшілік актілерді қылмыстық жауапкершілікке тартудың орындылығы туралы шешім қабылдауымыз керек", - деп қосты Мемлекет басшысы.

Сілтемесіз жаңалық оқисыз ба? Онда Telegram желісінде парақшамызға тіркеліңіз!



Join Telegram