Қазақстандық министрлерге жылдың соңына шетелге іссапарға шығуға тыйым салынды, - хабарлайды Tengrinews.kz тілшісі.
"Сіздерді алда көп жұмыс күтіп тұр. Шетелге жоспарланған іссапарлардың барлығы жылдың соңына дейін тоқтатылады. Қандай да бір қажеттілік туып жатса, менің бұйрығыммен шығатын боласыздар. Еліміздің өңірлеріне баратын іссапарлар жайлы да менімен келісетін боласыздар", - деді премьер-министр Бақытжан Сағынтаев жаңа үкіметтің мүшелерімен өткен бірінші отырыста.
Айта кетейік, 13 қыркүйекте Бақытжан Сағынтаев үкіметтің барлық мүшесімен алғашқы отырысты өткізген болатын.
