Ресейде салымшылардан 160 миллион рубль жымқырған әйел Ақтөбе облысында ұсталды

24 Қыркүйек, 14:26
0
Ресейде салымшылардан 160 миллион рубль жымқырған әйел Ақтөбе облысында ұсталды -

Жедел іздестіру іс шарасын жүргізу барысында Ақтөбеде ресейлік полицейлер іздеуге салған алаяқ қолға түсті, - деп хабарлайды Тengrinews.kz тілшісі Ақтөбе облысы полиция департменті баспасөз қызметіне сілтеме жасап. 

"Ақтөбе облысы Алға ауданының 59 жасар тұрғыны Ресейдің Челябі облысы Магнитогорск қаласындағы "УралСИБ" Ақционерлік қоғамының банк шотынан ірі көлемде ақша ұрлағаны үшін іздестірілді. Күдікті бір салымшыдан 155 миллионнан аса ресей рублін, екіншісінен 5 миллион рубльді есеп шоттан шешіп алған. Кейін оған мемлекетаралық іздестіру ісі жарияланды", - делінген хабарламада. 

Криминалдық полиция басқармасының қызметкерлері күдіктіні Алға ауданынан анықтап, Алға аудандық полиция басқармасының тергеу изоляторына қамауға алынды. Кейін ол ресейлік тәртіп сақшыларының қолына тапсырылатын болды.

"Жедел іздестіру іс-шарасын өткізу кезінде облыс бойынша барлығы 14 қылмыскер ұсталды, оның ішінде 5-еуі ТМД елдерінің құқық қорғау органдарымен іздестіріліп, 8 із-түссіз жоғалған азамат анықталды", - деп түйіндеді полицейлер. 

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай