+7 (777) 001 44 99
Қазақша
Русский
English
Қазақша
Русский
English
Сотта Бишімбаевтың туысы Бақытжан Байжановтың айтуынша, Салтанат Нүкенова өлер алдында оның қолын қатты қысып ұстаған. Қазір Байжанов бұл оның көмекке шақыру белгісі болды ма деп болжайды, - деп хабарлайды Tengrinews.kz тілшісі.
Бақытжан Байжановтың айтуынша, Bau мейрамханасына келгенде Бишімбаев Салтанат екеуі болған VIP-кабинаға көрпе әкелуді сұраған.
"Мен көрпелерді бергеннен кейін есіктің алдында күттім. Екі минуттан кейін Бишімбаев мені шақырып: "Біз үйге барамыз, көмектес" деді. Сол кезде ғана кабинаға кірдім. Салтанаттың тынысы сәл жылдамырақ, қатты болды. Мен ол жай ғана ұйықтап жатыр деп ойладым. Шынымды айтсам, ол кезде мен оған аса мән бермедім, өйткені олардың түні бойы ұйықтамай, ішімдік ішкендерін білдім. Мен оны қатты шаршаған болар деп ойладым" - деді Байжанов сотта.
Одан кейін Бишімбаевпен бірге Салтанат Нүкенованы көтерген. Осы кезде Байжанов оның бетінің көгергенін көреді.
"Мен кабинаға кірген соң, Бишімбаев екеуміз Салтанатты сүйеп, көтердік. Сол кезде Салтанат орнынан тұрмақ болып, қолымды қысты. Ол басын сәл көтерді, тік ұстады деуге болады. Қолымды қатты қысты - қазір мен ойлаймын, мүмкін ол көмек сұрағысы келген болар, қандай да бір белгі (беру - еск.). Мен білмеймін. Мұны да ойлаймын. (...) Салтанатты көтергенімізде, Бишімбаев тұраққа түсуіміз керек деді. Көлігім сыртта тұрғанын айттым. Сосын көлікті тұраққа түсір деді. Салтанатты диванға қайта жатқызып жатқанымызда оның сол жақ көзі ісіп, қызарып кеткенін байқадым. Басқа ерекше ештеңе байқамадым. Әрине, анықтап қарай алмадым. Оның үстіне күйеуі қасында болды", - деді Байжанов өз куәлігін оқып.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
