+7 (777) 001 44 99
ПОДЕЛИТЬСЯ
Жамбыл облысының әкімі Бердібек Сапарбаев Тараз қаласында Қазақ КСР компартиясы Орталық комитетінің бірінші хатшысы Дінмұхамед Қонаевтың құрметіне ескерткіш қою ұсынысын қолдады, - деп хабарлайды Tengrinews.kz тілшісі "Знамя труда" басылымына сілтеме жасап.
Жамбыл облысының әкімі Бердібек Сапарбаев Тараз қаласында Қазақ КСР компартиясы Орталық комитетінің бірінші хатшысы Дінмұхамед Қонаевтың құрметіне ескерткіш қою ұсынысын қолдады, - деп хабарлайды Tengrinews.kz тілшісі "Знамя труда" басылымына сілтеме жасап.
2022 жылы Дінмұхамед Қонаевтың 110 жылдығы аталып өтеді. Қазір Таразда Қонаевтың мүсіні орнатылған.
Жамбылда зиялы қауым өкілдері: Қазақстанның еңбек ері Мұқаш Ескендіров, журналистика ардагері Баттал Жаңабаев, Мемлекеттік премия лауреаты, ақын Күләш Ахметова, академик Өскенбай Мәдиев, облыстағы қоғамдық кеңес төрағасы, Мәжілістің экс-депутаты Амзебек Жолшыбеков аймақ басшысына мүсінді толық ескерткішке ауыстыру туралы ұсыныс айтты.
"Сапарбаев ұсынысты қолдап, жауапты органдарға мәселені қарастыруға және тиісті ұсыныс беруді тапсырды", - деп жазады газет.
Басылым Қонаевтың есімі "әрбір қазақтың жүрегінде ерекше орын алатынын" атап өтті.
"Дінмұхамед Қонаевтың мұрасы - республиканың ұлттық игілігі, оның есімі Қазақстан тарихындағы алтын қорға кірді. Қазақ халқы тірі болғанда мұндай қайраткер адамның да есімі мәңгі сақталады", - делінген мақалада.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
