Реклама +7(700) 388 81 09
  1. Басты
  2. Біл
  3. Жаңалықтар
  4. Ел жаңалықтары

Сенат Салық кодексіне енгізілген өзгерістерді мақұлдады 24 қараша 2022, 11:42

Сенат Салық кодексіне микро және шағын бизнес үшін төлемдерді біріктіруді, Конституциялық сотқа жүгінген кезде мемлекеттік баж салығын енгізуді
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
  • WhatsApp
  • Қате таптыңыз ба?

Сенат Салық кодексіне енгізілген өзгерістерді мақұлдады Сенат Салық кодексіне енгізілген өзгерістерді мақұлдады

Сенат Салық кодексіне микро және шағын бизнес үшін төлемдерді біріктіруді, Конституциялық сотқа жүгінген кезде мемлекеттік баж салығын енгізуді және тауарлардың кейбір түрлеріне ҚҚС төмендетуді көздейтін түзетулерді мақұлдады, - деп хабарлайды Tengrinews.kz тілшісі.

"Мемлекет басшысы шағын бизнес үшін еңбекақы төлеу қорынан жиынтық жүктемені азайта отырып, бірыңғай төлем енгізуді тапсырды. Қазіргі уақытта жалақы қорынан әртүрлі мөлшерлемелермен, есептеу базаларымен бірнеше төлемдер төленеді. Бұл төлемдерді бір төлемге біріктіру ұсынылады. Жеке табыс салығы есебінен жүктемені азайту көзделіп отыр, өйткені әлеуметтік төлемдердің мөлшері қызметкерлердің болашақ төлемдеріне әсер етеді", - деді Сенат отырысында Ұлттық экономика министрі Әлібек Қуантыров.

Бірыңғай мөлшерлеме міндетті зейнетақы жарналарын енгізуді және әлеуметтік аударымдар ставкаларының өсуін ескеретін болады.

Түзетулердің екінші блогы салалық заңнамадағы өзгерістерге байланысты. Конституциялық Сотқа жүгінген кезде мемлекеттік баж белгілеу және халықтың әлеуметтік осал топтарын босату ұсынылды.

Жер қойнауын пайдалану саласында 2024 жылдан бастап мемлекеттік теңгерімді жүргізу жойылады. Қорлар жаңа жүйе бойынша бағаланады.

Түзетулердің үшінші блогы отандық тауар өндірушілерді ынталандыруға бағытталған.

"Балық аулау кәсіпорындары балықты өңдеу кезінде ҚҚС-ты 70 пайызға төмендету бойынша норма ұсынылады. Қазір мұндай жеңілдікті балық өсіретін шаруашылықтар қолданады.

Қант өндірісін ынталандыру үшін қамыс шикізаты қантының импортын ҚҚС-тан босату, сондай-ақ қант өндірушілерге ҚҚС жеңілдіктерінің қолданылу мерзімін ұзарту ұсынылады.

Келесі норма тазартылған алтынды сатуға қатысты. Қазір Ұлттық банкке осындай Алтынды сату ҚҚС-тан босатылады", - деді Қуантыров.

Сондай-ақ, электр желілерін ірілендіру мәселесі шешіліп жатыр. Энергия беруші ұйымның электр желілерін өтеусіз алуы кезінде салық міндеттемелерінің туындауын болдырмау ұсынылды.

Заң Президентке қол қоюға жіберіледі.

Сілтемесіз жаңалық оқисыз ба? Онда Telegram желісінде парақшамызға тіркеліңіз!


Join Telegram