Шымкентте еңбек ардагерінің үйін өрт шарпыған

89 жастағы еңбек ардагері Оразкүл Әбдірахманова баспанасыз қалды. 10 қазанда шыққан өрт зейнеткердің үйі мен барлық мүлкін шарпыды, - деп хабарлайды Tengrinews.kz тілшісі.

Оразкүл Әбдірахманова сол бір сәтсіз күнді көзіне жас алып еске алады. Зейнеткердің айтуынша, оны өртеніп жатқан үйден туыстары мен көршілері алып шыққан. Еңбек ардагерінің бірнеше жыл тұрғызған баспанасы санаулы минуттарда күлге айналды.

"Бір кезде олар мені көшеге алып шықты, басында ештеңе түсінбедім. Аяғымда аяқкиім де жоқ. Қарасам, бүкіл үй өртеніп жатыр. Өртті көргенде жүрегім тоқтап қала жаздады. Кейін мені алыс, қауіпсіз жерге алып кетті. Ешқандай киімім қалмады. Үстімдегі киімді көршілерім алып келді", - дейді Оразкүл Әбдірахманова.

Otyrar.kz

Өртсөндірушілер өрттің шығу себебін әлі анықтап жатыр. Енді Оразкүл Әбдірахманова балаларымен бірге тұрады. Ал олар газы жоқ бір бөлмелі уақытша салынған үйде тұрады. Қамқор көршілер зейнеткерге киім-кешек әкеліп, жиһазбен көмектескен. Енді өрттен зардап шеккендер шағын зейнетақымен күн көруі керек.

"Қазір адамдардың көмегіне зәруміз. Қазір бізге бірнеше адам киім-кешек әкелді, оларға алғысымыз шексіз. Енді Қазақстанның барлық тұрғынынан көмек сұрап жатырмыз. Басты мақсатымыз - үйді қалпына келтіру. Мүмкіндігінше құрылыс материалдарын алып көмектессеңіздер", - дейді зейнеткердің күйеу баласы Мәдинәлі Өткірбаев.

Қиын жағдайда қалған еңбек ардагеріне облыс әкімдігінің қызметкерлері көмекке келген, қазір олар демеушілер іздеп жатыр. Өрттен кейін зейнеткер де бір реттік ақшалай көмекке өтініш білдірген.

"Өрт болған жағдайда Шымкент қалалық мәслихатының шешімімен 400 АЕК бөлінеді. Мұны әдетте комиссия қарайды. Өрт дерегі бойынша құжаттар тапсырылады. Оларды да комиссия қарайды, мақұлданса, өрттен зардап шеккен адамға 1 миллион 275 мың теңге бөлінеді. Жыл басынан бері мұндай төлемді 4 отбасы алды. Барлығы өтініш білдірді. Комиссия шешім шығарып, төлемді алды, - деді Шымкент қалалық жұмыспен қамту және әлеуметтік қорғау басқармасының бас маманы Ұлдана Бекбау.

Otyrar.kz

Үйді қалпына келтіру үшін көп уақыт қажет. 89 жастағы зейнеткер құрылыс компаниялары мен қазақстандықтардың қолдауына үміт артып отыр. Зейнеткердің банк картасы жоқ. Кез келген адам қазіргі тұрғылықты жері бойынша көмек көрсете алады.
Мекен-жайы: Шымкент қаласы, Көксай-1 шағын ауданы, 373; Жастық көшесі, 17 үй
Байланыс телефоны: 8 (778) 682-08-02.

Сілтемесіз жаңалық оқисыз ба? Онда Telegram желісінде парақшамызға тіркеліңіз!