Шымкентте тойда жас-жұбайларға VIP-нөмір сыйға берілді 14 қазан 2021, 14:14
Шымкентте жас-жұбайларға тойға автокөліктің VIP-нөмірі сыйға тартылды, - деп хабарлайды Tengrinews.kz тілшісі.
Ерекше сыйлықтың видеолары әлеуметтік желілерде тарады.
"Азаматтарға арналған үкімет" мемлекеттік корпорациясының Шымкенттегі филиалы бұл нөмірдің 228 АЕК - 665 мың теңгеге ресми түрде сатып алынғанын хабарлады.
Мемлекеттік корпорация видео кейіпкері тойға аз уақыт қалғанда күйеу жігітпен бірге алғанын атап өтті.
"2021 жылдың 4 қазанында әлеуметтік желілердегі видеодағы клиент Шымкент қаласының арнайы орталығына келіп, нөмір сатып алды. Сатып алған нөмір бірден күйеу жігітке тіркелді", - деді Шымкенттегі "Азаматтарға арналған үкімет" мемлекеттік корпорациясының PR-менеджері Алтынай Татаева.
Қазақстанда сұранысы жоғары мемлекеттік нөмірлерді ресми түрде сату 2014 жылы басталды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!