Синоптиктер 16-18 қыркүйекке арналған ауа райы болжамында демалыс күндері жылы және жауын-шашынсыз болатынын айтты, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.
"Демалыс күндері Қазақстанда антициклон орнығады, онымен байланысты жауын-шашынсыз ауа райы және ауа температурасының жоғарылауы күтіледі. Республикамыздың батысында өткен тәулікте температура климаттық нормадан жоғары болды, күндізгі температура 27...32 градусқа дейін жоғарылады", - дейді синоптиктер.
Айтуларынша, алдағы екі тәулікте Қазақстанның басқа аудандарында да температураның жоғарылауы болжанып отыр. Тек дүйсенбі күні қиыр солтүстік пен солтүстік-шығыста атмосфералық фронттардың өтуіне байланысты кей жерлерде өткінші жаңбыр жауады.
