Солтүстік Қазақстан облысы Айыртау ауданында 3 мектеп оқушысы шағын шіркеудің терезесін сындырып, зираттағы құлпытастарды бүлдірген, - деп хабарлайды Tengrinews.kz тілшісі аймақтың ПД баспасөз қызметіне сілтеме жасап.
Вандализмді жергілікті тұрғын анықтағаны хабарланды. Шұғыл-тергеу тобының мамандары 12 моланың құлпытасы мен қоршауы сындырылғанын тіркеген. Бір құлпытастың үстіне акрил бояуын төккен. Сондай-ақ зират басындағы шағын шіркеудің терезесі сындырылған.
"Полицейлер бірнеше күн бұрын осы зиратта жүрген 10-12 жас аралығындағы үш жасөспірімді анықтады. Олардың осы дерекке қатысы барын растады", - деді полициядағылар.
"Қайтыс болғандардың денесі және жерленген орнына қорлық көрсету" дерегі бойынша ҚР ҚК-нің 314-бабына сәйкес сотқа дейінгі тергеу басталды.
Қазақстан жаңалықтары. Соңғы жаңалықтар. Telegram желісінде бізге жазыл!
