Талдықорғанда құрылыс алаңында шетелдік ер адам қаза тапты. Полиция қызметкердің өліміне қатысты тергеу жүргізіп жатыр, - деп хабарлайды Tengrinews.kz тілшісі.
Оқиға 6 қарашада құрылыс нысандарының бірінде болған.
"24 жастағы жігіт салынып жатқан ғимараттың 4-ші қабатынан абайсызда құлап кетіп, қаза болды. Марқұм көрші елден еңбек мигранты ретінде келген шетелдік азамат болып шықты.
ҚР Қылмыстық кодексінің 277-бабы (Құрылыс жұмыстарын жүргізу кезінде қауіпсіздік ережелерін бұзу) бойынша соталды тергеу амалдары басталды", - делінген хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
