Президент Қасым-Жомарт Тоқаев жұмыс сапарымен Жамбыл облысына келді. Бұл туралы Мемлекет басшысының баспасөз хатшысы Берік Уәли мәлімдеді, - деп хабарлайды Tengrinews.kz тілшісі.
Сапар барысында Қазақстан Президенті иммунобиологиялық препараттардың биофармацевтикалық зауытына барып, коронавирусқа қарсы QazVac вакцинасын дайындау процесімен танысады.
Сондай-ақ, Мемлекет басшысы әлеуметтік нысандарды аралап, Жамбыл облысының әкімі Бердібек Сапарбаевтың өңірдегі әлеуметтік-экономикалық ахуал туралы баяндамасын тыңдайды.
Еске салайық, бұған дейін Президент Қасым-Жомарт Тоқаев жұмыс сапарымен Шығыс Қазақстан облысына барған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
