Реклама +7(700) 388 81 09
  1. Басты
  2. Біл
  3. Жаңалықтар
  4. Ел жаңалықтары

Төреғали Төреәліге қатысты іс тоқтатылды 06 қазан 2022, 08:28

Белгілі әнші Төреғали Төреәліге қатысты іс тоқтатылды. Ол Алматы облысы Көлсай көлдері маңында гид қызметін атқаратын жігітті соққыға жыққан
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
  • WhatsApp
  • Қате таптыңыз ба?

Төреғали Төреәліге қатысты іс тоқтатылды Төреғали Төреәліге қатысты іс тоқтатылды

Белгілі әнші Төреғали Төреәліге қатысты іс тоқтатылды. Ол Алматы облысы Көлсай көлдері маңында гид қызметін атқаратын жігітті соққыға жыққан еді, - деп хабарлайды Tengrinews.kz тілшісі.

"Төреғали Төреәліге қатысты ҚР Қылмыстық кодексінің 293-бабы 1-бөлігі негізінде СДТБТ-да тіркелген қылмыстық іс бойынша тараптар татуласқанын хабарлаймыз. Нәтижесінде қылмыстық іске қатысты тергеу тараптардың татуласуына байланысты тоқтатылады.

ҚР Қылмыстық және қылмыстық іс жүргізу заңнамасының нормаларына сәйкес, өлім-жітімге байланысты емес, ауырлығы аз немесе орташа қылмыс жасаған адам жәбірленушімен татуласса әрі келтірілген зиянды түзетсе, қылмыстық жауаптылықтан босатылады", - делінген Полиция департаменті хабарламасында.

Еске салайық, бұған дейін TikTok-та әнші Төреғали Төреәлі белгісіз ер адамды ұрып тастаған делінген видео тарағаны хабарланған болатын. Кейінірек Алматы облысы Полиция департаменті бастығының тергеу бойынша орынбасары Рустам Әбдірахманов бұл іске қатысты пікір білдірген еді. Cонымен қатар, әнші уақытша ұстау изоляторына қамауға алынғаны белгілі болды.

Кейін әншінің өзі де жанжал неден шыққанын түсіндірген. Оның айтуынша, жаңа клиптің түсірілімі барысында жанжал шыққан. Жәбірленуші олардан көзін алмай, жұмысына кедергі келтірген. Нәтижесінде жанжал соңы әнші тарапынан төбелеске ұласқан. Ал бүгін Төреғали Төреәлі соққыға жыққан жігітпен татуласқаны белгілі болды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!


Join Telegram