+7 (777) 001 44 99
Қазақша
Русский
English
Қазақша
Русский
English
Құрбан айт кезінде көп қазақстандық малды жеңіл көлікпен тасымалдайды. Бірақ тірі қойды жеңіл автокөлікте тасымалдау қаншалықты заңды? Tengri Auto анықтады, - деп хабарлайды Tengrinews.kz тілшісі.
Алматы Полиция департаменті мәліметінше, қойларды жеңіл автокөлікте тасымалдауға белгілі бір талаптар сақталған жағдайда тыйым салынбайды.
Атап айтқанда, жануар автокөліктің габаритінен шығып кетпеуі тиіс.
Осылайша, автокөлікте қой тасымалдауға тыйым салынбағанымен, жүргізуші мен жолаушылардың, сондай-ақ жануардың қауіпсіздігін қамтамасыз ету маңызды.
Полиция өкілдері құрбан шалу рәсімі тек арнайы белгіленген орындарда ғана жүргізілуі тиіс екенін еске салды.
"Құрбан айт мерекесіне байланысты Алматыда құрбан шалу үшін арнайы орындар белгіленді – нақты мешіттер. Мал сату бір жерге – Алатау ауданы, Мөңке би көшесінің бұрышындағы орынға шоғырланған", – деді Алматы Полиция департаментінің Жергілікті полиция қызметі басқармасы бастығының орынбасары Тимур Ноғайбаев.
Ірі қара малды қалай тасымалдау керек?
Қазақстанда мал тасымалдау үшін арнайы жабдықталған автокөліктер қолданылуы тиіс.
Ірі қара мен жылқы тасымалдауға арналған көліктер ағаш төселген және биіктігі 2 метрге дейінгі қоршаумен жабдықталуы керек.
Ірі қара төлдері, шошқа, қой мен ешкілерді байлаусыз тасымалдауға болады, бірақ олар жатып бара алатындай көлемде болуы шарт.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
