1. Басты
  2. Біл
  3. Жаңалықтар
  4. Ел жаңалықтары

ҰҚК "Борат24" интернет-дүкенін ашқан қылмыстық топты ұстады16 қараша 2020, 13:03

Видеодан алынған кадр Видеодан алынған кадр

Ұлттық қауіпсіздік комитеті трансұлттық қылмыстық топты ұстады, - деп хабарлайды Tengrinews.kz тілшісі комитеттің баспасөз қызметіне сілтеме жасап.

2020 жылдың сәуір-қазан айлары кезеңінде ҚР ҰҚК шетелден ҚР-ға синтетикалық есірткі жеткізуді, сондай-ақ оларды жасауды және "Борат24" интернет-дүкені арқылы сатуды жүзеге асырған трансұлттық қылмыстық топ әрекетінің жолын кесу бойынша ауқымды операция өткізді.

"Трансұлттық есірткі құрылымындағы 34 қатысушы ұсталып, 8 есірткі зертханасы жойылды. Еліміздің ірі мегаполистері – Нұр-Сұлтан, Алматы мен Шымкентке контрабандалық жолмен жеткізілген 40 келі психотроптық зат алынды. Алынған есірткінің қара нарықтағы бөлшек құнының болжам бағасы - 600 миллион теңге.

Одан басқа, "биткоиндар" сатып алу және оларды шетелге шығару бойынша қаржы операцияларын жүзеге асыру жолымен есірткі сатудан алынған ақшалай қаражатты заңдастыруды ұйымдастырған заңсыз криптайырбастауыштар әрекетінің жолы кесілді", - делінген хабарламада.

Посмотреть эту публикацию в Instagram

Публикация от ҚР ҰҚК (@knbgovkz)

Бұл ретте алынған ақшаны заңдастыру үшін көмекшілер жасаған 6 жылжымалы майнинг фермасы анықталды. Есірткі сатумен айналысқан құрылымының көмекшілері 2 жылда (2018 жылғы қаңтар мен 2019 жылғы желтоқсан аралығында) 2,5 миллиард теңгеден аса соманы заңдастырған.

Бұл деректер Қылмыстық Кодекстің 297-бабы 4-тармағы, 264-бабының 2-тармағы, 286-бабының 4-тармағы және 218-бабының 3-тармағы бойынша сотқа дейінгі бірыңғай тергеу реестріне тіркелді.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!