Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.70
EUR / KZT - 389.99
CNY / KZT - 49.72
RUB / KZT - 5.59

ҰКП кәсіпкерлерді бизнес субьектілерін тексеруге жарияланған мораторий кезінде заңды аттамауға шақырады

13 Қараша 2014, 19:39
0
Фото ©Тұрар Қазанғапов
Фото ©Тұрар Қазанғапов

Ұлттық кәсіпкерлер палатасы кәсіпкерлерді бизнес субьектілерін тексеруге жарияланған мораторий кезінде заңды аттамауға шақырады, - деп хабарлайды Tengrinews.kz. Бүгін Астана қаласындағы Ұлттық кәсіпкерлер палатасында шағын және орта бизнес нысандарын тексеруге жарияланған мораторийдің нәтижесін талқылауға байланысты брифинг өтті.

Мораторий шарасының экономикаға әсерін мемлекеттік бюджетке салықтар мен төлемдер есебінен түскен түсімдер көлемі де аңғартады. Осылайша, ҚР ҰКП Басқарма төрағасының орынбасары мораторийдің тек бизнеске ғана емес, мемлекет үшін де тиімді екендігін айтты.  "Мораторий бизнесті заңнаманы қатаң сақтауға міндеттеп, корпоративтік мәдениеттің қалыптасуына, тауар сапасының, қызметтер сапасының артуына мүмкіндік ашты", - деді Нұржан Әлтаев.

Кәсіпкерлікті дамыту бағытында жасалып жатқан мемлекеттік қолдау ауқымды. Сонымен қатар, халықаралық нарықтағы тұрақсыздықты ескерсек, еліміздегі қолдау шаралары шағын және орта бизнесті дамыту үшін үлкен мүмкіндіктерге жол ашып отыр. Шағын кәсіпкерлік саласына Ұлттық қордан қаржы бөлініп, әкімшілік кедергілерді азайту бағытында заңнамалар қабылданғаны да белгілі. Тағы бір маңыздысы, Мемлекет басшысы кәсіпкерлік қызметті жақсарту мақсатында түбегейлі шаралар туралы Жарлыққа қол қойғаны болатын. Айта кетейік, Елбасы Жарлығы аясында бизнес субьектілерін тексеруге жарияланған мораторий кәсіпкерлердің қызметін жеңілдетті. Бұған соңғы жылдардағы шағын және орта бизнес субьектілерінің артуы дәлел. Атап өткен жөн, бұл көрініс 2008 жылы жасалған мораторийдан кейін де сезілген болатын.

Тексеруге жарияланған шектеу шарасы бизнесмендердің уақытты ұтымды пайдалануына  жол ашты. Атап өткен жөн, Қазақстан Республикасының "Ұлттық кәсіпкерлер туралы" Заңы бизнес-қауымдастыққа елдегі іскерлік ахуалды жақсартуға, сондай-ақ, қолайлы бизнес-орта қалыптастыру бағытында заңдық нормаларды енгізу құқын берді. Алайда, мораторий шарасын өз пайдасына шешіп, заңды аяқасты еткен кәсіпкерлер де кездескен.

"Астана қаласында заңнаманы жиі бұзған кәсіпкерлер бары анықталды. Әсіресе, қоғамдық тамақтану орындарының иелері, дүкен, алкоголь өнімдерін саудалайтын бильярд демалыс орындары тарапынан заң бұзушылықтар болған", - деді Астана қаласы бойынша мемлекеттік кірістер департаментінің басшысы Әбілқайыр Сқақов.  

Сондай-ақ, департамент басшысы бизнесмендер арасында түсіндіру шараларын ұйымдастыруға атсалысу бағытындағы жұмыстарға Ұлттық кәсіпкерлер палатасы тарапынан үлкен қолдау жасалатындығына үміт білдірді. 

Мораторий мерзімінің аяқталуына 1,5 ай уақыт қалды. ҚР Ұлттық кәсіпкерлер палатасы осы уақыт аралығын тиімді пайдаланып, кәсіпкерлік қызметті заңдық нормаға сай жүзеге асыруға шақырады. Нұржан Әлтаев сондай-ақ, бизнесмендерді өңірлік кәсіпкерлер палатасымен байланыса жұмыс істеуге шақырды. Осы арқылы аумақтық мемлекеттік органдармен тиімді әріптестік орнатуға болатынын айтты.  


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай