Ұлттық валюта бағамы KASE қор биржасының таңғы саудасында долларына 341,33 теңгеге тең болды, - деп хабарлайды Tengrinews.kz тілшісі биржа мәліметтеріне сілтеме жасап. Еске салайық, 2 қыркүйекте сауданың қорытындысында ұлттық валютаның орташа бағамы 342 теңге еді.
5 қыркүйектегі таңғы сауданың минималдық құны 341,19 теңгеге тең болды. Ал максималдық құны - 341,55 теңге. Астана уақыты бойынша сағат 10.34-те ICE биржасының мәліметінше, қыркүйектегі фьючерстердің Brent маркалы мұнай қоспасының құны барреліне 46.62 доллар болды. Kurs.kz мәліметінше, айырбас орындарында доллар 340,5-342 теңге аралығында саудаланып жатыр.
