Нью-Делидегі (Үндістан) Сан Мартин Парк скверінде Абай Құнанбайұлы бюстінің салтанатты ашылу рәсімі өтті, - деп хабарлайды Tengrinews.kz тілшісі Сауда және интеграция министрлігі баспасөз қызметіне сілтеме жасап.
Іс-шараға Қазақстан премьер-министрінің орынбасары - сауда және интеграция министрі Бақыт Сұлтанов, Үндістанның сыртқы істер және мәдениет мемлекеттік министрі Минакши Лекхи, сондай-ақ дипломатиялық корпус өкілдері қатысқан.
"Абай - ұлы ақын ғана емес, кемеңгер ойшыл, әйгілі ағартушы. Ол жұртты ғылым игеруге, білімдар болуға үндеді. Жаңашылдық пен жасампаздықты дәріптеді. Абай мұрасы - біздің елімізге ғана емес, барша адамзатқа ортақ құндылық", - деді Сұлтанов.
Бақыт Сұлтанов Абай бюстінің орнатылуы екі ел арасындағы рухани ынтымақтастықты одан әрі нығайта түсетінін атап өтті. Сондай-ақ, тараптар білім, ғылым және мәдениет саласындағы ынтымақтастықты дамытуды жалғастырады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
