Linkin Park тобының жаңа клипі YouTube желісінде Честер Беннингтон қайтыс болған күні жарық көрді, - деп хабарлайды Tengrinews.kz тілшісі.
Talking To Myself әніне түсірілген видеоны 5 миллион қолданушы көріп үлгерген.
Еске салайық, Linkin Park америкалық рок-тобының солисі Честер Беннингтон суицид жасаған еді. Бұл туралы TMZ құқық қорғау органдарындағы дереккөзіне сілтеме жасай отырып хабарлаған.
Полицияның мәліметінше, әнші Калифорния штатындағы Лос-Анджелес округінде өз үйінде асылып қалған күйі табылған. Оның мәйіті 20 шілдеде таңғы уақытта табылғаны айтылады. Кейін Лос-Анджелес билігі әншінің қазасын TMZ, Variety басылымдарына растап берді.
