Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.68
EUR / KZT - 389.40
CNY / KZT - 49.85
RUB / KZT - 5.60

Біз теңге бағамын нақтылы бір межеге жылжытып жатқан жоқпыз - Ақышев

22 Желтоқсан 2015, 13:13
3
© Тұрар Қазанғапов
© Тұрар Қазанғапов

Қазақстан Ұлттық банкінің төрағасы Данияр Ақышев баспасөз мәслихатының алдында доллардың арзандауын кездейсоқтық деп атады, - деп хабарлайды Tengrinews.kz тілшісі.

Ол 2015 жылдың 5 қарашасынан бастап Ұлттық банктің алтын-валюта сақтық қорларын сақтау мақсатында валюта нарығына қатысудан бас тартқанын еске салды. "Біз бағамның түбегейлі өзгеруіне бөгет боламыз, дегенмен қысқамерзімді ауытқуды реттейміз. Осы шешімнен кейін қарашада теңге бағамы 282 теңгеден 312 теңгеге дейін төмендеді. Кейін Ұлттық банктің қатысуынсыз теңге бағамы 307-308 теңгеге дейін нығая түсті. Осылайша қараша айында 9 пайызға өзгеріс болды. ҚР Ұлттық банкі қараша айында нарықтан 577 миллион доллар сатып алды. 5 қараша мен 30 қараша аралығын алсақ, сатып алу көлемі 943 миллион доллар болды. Валюта және қаржы нарығындағы тұрақтандырудан кейін теңге арзандай түсті. Оған мұнайдың арзандауы себеп болды. Желтоқсанның басынан бері доллар 18 пайызға арзандады", - деді Ақышев.

Айта кетейік, баспасөз мәслихатының алдында доллар 336,66 теңгеге дейін арзандады. "Біз валюта нарығын баспасөз мәслихатына дайындамаймыз. Қазір валюта нарығы Ұлттық банктің қатысуынсыз реттеліп жатыр - бұл кездейсоқтық. Қазір қоғам ішкі параметрлердің өзгерісіне қатты мән береді. Тағы да айтқым келеді, бұл факторлардың әсерлері тікелей емес. Мұнай бағасының өзгеруі доллар бағамының өзгеруіне сол сәтте әсер етпейді. Бұл ешқандай теорияға сәйкес келмейді. Біз бағамды белгілі бір нүктеге өзгертіп отырған жоқпыз. Мұнай бізде экспорттың 60 пайызын ғана құрайды. Таңғы сессияда доллар бағамының 336,66 теңгемен жабылуы валюта нарығындағы сұраныс пен ұсынысқа байланысты. Біз тек бағамның макроэкономикалық, іргелі факторлардан қаншалықты өзгергенін қарай аламыз", - деді Ақышев.


Нравится
Поделиться
Пікірлерді көру (3)
Оқылып жатыр
Талқыланып жатыр
Бүгін
Апта
Ай