Елдегі жұмыссыздық деңгейі 4,8 пайыздан аспайды - Министр

19 Қыркүйек, 12:12
0
Елдегі жұмыссыздық деңгейі 4,8 пайыздан аспайды - Министр -

Қазақстан Республикасы Премьер-Министрінің орынбасары Бердібек Сапарбаевтың Алматыға жұмыс сапары аясында ҚР Еңбек және халықты әлеуметтік қорғау министрі Біржан Нұрымбетов қаланың әлеуметтік ұйымдары мен жұмыспен қамту орталықтарына барып, онда Қазақстан Республикасының Президенті Қасым-Жомарт Тоқаевтың Қазақстан халқына Жолдауының негізгі бағыттарын түсіндірді, - деп хабарлайды Тengrinews.kz тілшісі ҚР Еңбек және халықты әлеуметтік қорғау министрлігінің баспасөз қызметіне сілтеме жасап. 

Бірінші кезекте, Қазақстан Республикасы Еңбек және халықты әлеуметтік қорғау министрлігінің басшысы "№1 арнаулы әлеуметтік қызметтерді көрсету орталығы" КММ бөлімшесі болып табылатын Өз алдына дербес тұру үйінің жұмысымен танысты. Бұл ұйым 18 жастан асқан психоневрологиялық аурулары бар адамдарға арнайы әлеуметтік қызметтер көрсетіледі.

Содан кейін Министр 3-тен 18 жасқа дейінгі I-II топтағы мүгедек балаларға арналған «№2 арнаулы әлеуметтік қызметтерді ұсыну орталығы» КММ-де болды.

Жоғарыда көрсетілген ұйымдардың жетекшілерімен келіссөздер барысында Біржан Нұрымбетов Қазақстан Республикасының Президенті Қасым-Жомарт Тоқаевтың сайлауалды бағдарламасында белгіленген негізгі міндеттердің бірі мүгедектерге көрсетілетін әлеуметтік қызметтердің сапасын жақсарту және олардың қол жетімділігін қамтамасыз ету екенін атап өтті. Мемлекет басшысы "Сындарлы қоғамдық диалог - Қазақстанның тұрақтылығы мен гүлденуінің негізі" атты Жолдауында ерекше қажеттіліктері бар адамдар үшін тең мүмкіндіктер жасауға ерекше назар аударды.

"Осы жылғы мамыр айында мүгедектігі бар адамдардың құқықтарын қамтамасыз ету және өмір сүру сапасын жақсарту жөніндегі 2025 жылға дейінгі жаңа Ұлттық жоспар қабылданды. Оған әлеуметтік қорғау, білім беру, денсаулық сақтау және әлеуметтік қызметкерлердің біліктілігін арттырудың кешенді шаралары кіреді. Біздің бүгінгі басты міндетіміз - Ұлт жоспарының іс-шараларын барлық деңгейде сапалы іске асыру, мүгедектігі бар адамдарды техникалық құралдармен және оңалту қызметтерімен қамтамасыз ету. Олардың өмір сүру сапасын арттыру, тәуелсіздікке қол жеткізу, әлеуметтік және кәсіби қабілеттерін сақтау және оларды өмірдің барлық салаларына енгізу қажет", - деді министр.

Сондай-ақ, Біржан Нұрымбетов Алматы қаласының халықты жұмыспен қамту орталығында (бұдан әрі - Орталық) болып, вокзал маңы алаңында орналасқан мобильді жұмыспен қамту орталығының жұмысымен танысты. Жұмыспен қамту орталығы қызметкерлерінің алдында сөйлеген сөзінде ҚР Еңбекминінің басшысы халықты жұмыспен қамтуды қамтамасыз ету Министрлік үшін ғана емес, жергілікті атқарушы органдар үшін де маңызды міндеттердің бірі болып табылатынын атап өтті.

"Қабылданған шаралардың нәтижесінде бүгін елдегі жұмыссыздық деңгейі 4,8 пайыздан аспайды. Алайда қол жеткізілген нәтижелермен тоқталып қалмауымыз қажет. Мемлекет басшысы өз Жолдауында бизнесті қолдаудың жаңа нысандарын белсенді түрде енгізу қажеттігін, ең алдымен, көп балалы және табысы аз отбасылар үшін отбасылық бизнес құруға әлеуметтік аспектілерге баса назар аудару қажет екенін атап өтті.

2017 жылдан бастап Қазақстанда Нәтижелі жұмыспен қамтуды және жаппай кәсіпкерлікті дамытудың «Еңбек» мемлекеттік бағдарламасы жүзеге асырылуда, оның бағыттарының бірі - микрокредиттер, сондай-ақ қайтарымсыз негізде мемлекеттік гранттар беру есебінен азаматтардың кәсіпкерлік бастамашылығын дамыту болып табылады. Бұл жұмысты жандандыру қажет, сонымен қатар азаматтарды басқа бағыттағы іске асыру шараларымен қамту, яғни, жұмыссыздарды мүмкіндігінше қоғамдық жұмысқа тарту, оларды қысқа мерзімді оқу курстарына жіберу, әлеуметтік жұмыс орындарын құру, оқу орындарының түлектеріне алғашқы кәсіби тәжірибелерін алу үшін жастар практикасын ұсыну керек", - деді Нұрымбетов.  

Кездесу соңында Министр жұмыспен қамту орталығы табысы аз отбасылардың еңбекке қабілетті мүшелерін белсенді жұмыспен қамтуға барлық күш-жігерін жұмсау керектігін айтты.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай