Алматыдан 313 шақырымда магнитудасы 4,7-ге тең жер сілкінісі болды, - деп хабарлайды Тengrinews.kz тілшісі ҚР БҒМ Ғылым комитеті Сейсмологиялық тәжірибе-әдістемелік экспедициясына сілтеме жасап.
Жер сілкінісі 2 қаңтар күні жергілікті уақыт бойынша сағат 13.08-де тіркелді. Оның эпицентрі Алматыдан оңтүстік-шығысқа қарай 313 шақырымда - Қытай аумағында болды.
Тербелістің энергетикалық класы - 9,9. Жерасты дүмпулері 5 шақырым тереңдікте болды. Жер сілкінісінің сезілгені туралы мәлімет жоқ.
Еске салайық, мұның алдында Алматыдан 85 шақырымда жер сілкінісі болған еді. Магнитудасы 4,4-ке тең болған сілкіністің эпицентрі Қазақстан аумағынан анықталды. Тербеліс Алматы қаласы аумағында сезілген жоқ.
