Қарағандыда "Шахтер" стадионының маңында жаппай төбелес болды, - деп хабарлайды Tengrinews.kz тілшісі облыстық ІІД баспасөз хабарламасына сілтеме жасап. Төбелеске қатысты делінген 15 адам ұсталды.
Оқиға 21 қараша күні таңертең болды. "21 қарашада "Шахтер" стадионының маңында полиция қызметкерлерімен қақтығыс өтті. Төбелеске қатысушылар ұсталып, полиция бөлімшесіне жеткізілді, оқиғаның мән-жайы анықталып жатыр", - деп жазылған хабарламада. Осы дерек бойынша "Бұзақылық" бабына сәйкес сотқа дейінгі тергеу амалдары жүргізіліп жатыр.
