Қазақстан Президенті Нұрсұлтан Назарбаев 6-9 қарашада ресми сапармен Жапонияда болады, - деп хабарлайды Tengrinews.kz тілшісі Ақорданың баспасөз қызметіне сілтеме жасап.
Токиода Жапонияның императоры Акихитомен, премьер-министр С.Абэмен және іскер топтар өкілдерімен кездесу өтеді.
Бұдан бөлек, Мемлекет басшысы Жапонияның Парламентінде және "Токай" университетінде сөз сөйлейді деп жоспарланып отыр.
Сондай-ақ, сапар аясында Нұрсұлтан Назарбаев Хиросимадағы Бейбітшілік мемориалдық саябағында болып, "Хиросима қаласының айрықша құрметті азаматы" арнаулы атағын салтанатты түрде тапсыру рәсіміне қатысады.
