Қостанайда қымбат жол талғамайтын көлік лайға толы шұңқырға түсіп кетті, - деп хабарлайды "Қостанай жаңалықтары" сайты.
Басылымның хабарлауынша, генерал Арыстанбеков атындағы көшеде бірнеше күн бұрын коммуналдық қызмет өкілдері үлкен шұңқыр қазған болатын.
Полицияның алдын ала мәліметі бойынша, ЖКО жүргізушінің абайсыздығынан болған, өйткені бұл жерде жөндеу жұмыстары жүріп жатқанын ескертетін жол белгілері орнатылған.
"Куәгерлер басында жартылай батып жатқан көлікті көрген, бірақ, аз уақытта ол толығымен батпаққа батып кетті. Бастысы жүргізушінің өзі аман қалған", - деп жазады басылым.