Қытайдың Гансу провинциясындағы шөлді алқапта ұзындығы 500 шақырымды құрайтын орман пайда болады, - деп хабарлайды "Синхуа" басылымы.
Қыс жақындаған сайын Гансу провинциясындағы Увэй округы Минцин уездінің билік өкілдері (Солтүстік-Батыс Қытай) жердің шөлге айналып кетуімен күресуге бағытталған жұмыстар жүргізіп жатыр.
2015 жылы "Шөлді алқаптағы ұзындығы 500 шақырым орман алқабы" экологиялық бағдарламасы Увэй округінде жүзеге асырыла бастады. 6 жыл ішінде 1,93 миллиард юань көлеміндегі инвестициялық қаражатқа Гансу провинциясында және Қытайдың Ішкі Моңғолия деп аталатын автономды ауданында (Солтүстік Қытай) ұзындығы 500 шақырым, ал ені 1 шақырымнан асатын шөлге қарсы орманды іске асыру жоспарланып отыр.