Синоптиктер 2016 жылдың 13-15 желтоқсан күндеріне ауа райы болжамын жария етті, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.
"Қазақстанда күрделі ауа-райы жағдайы әлі сақталады. Олар бұрынғыдай республика аумағы арқылы өтетін атмосфералық фронттармен байланысты болады. Температураның күрт өзгеруі, қар жауу, 200-500 метр көрінумен соққан бұрқасын, күшті жел және көктайғақ - міне осылар қазақстандықтарды алдағы үш тәулікте күтуде", - деп хабарлады мамандар.
Сондай-ақ, синоптиктердің мәліметінше, еліміздің батыс және оңтүстік облыстарында тұман күтіледі.