"Қайрат» футзал клубы ел кубогының жеңімпазы атанды, - деп хабарлайды Vesti.kz.
Алматылық команда финалда Талдықорғанның "Жетісу" командасын ұтты. Талдықорғанда өткен ойын 3:1 есебімен "Қайраттың" жеңісімен аяқталды. Голдардың барлығы бірінші таймда соғылды. 8 минутта Лео "Жетісуді" алға шығарғанмен, 10 және 18 минутта гол соққан Диваней дубль орындады. Бір голды Игорь соқты.
Үшінші орын үшін өткен ойында Рудныйдың "Аят" клубы "Ақтөбені" 5:3 есебімен ұтты.