Бапкер Андре Розье Дэниэл Джейкобстың алдағы жекпе-жекте Головкинді жеңетініне сенім білдірді, - деп хабарлайды Vesti.kz порталының қазақ бөлімі.
"Джейкобс өз мүмкіндіктеріне сенімді. Жекпе-жек кезінде Джейкобс физикалық басымдығын анық көрсетеді. Дэниэл құлаштап соққы жасап, рингте қарсыласының есін шығара алады. Бұл жекпе-жекте сіздер қос боксшының бар өнерін тамашалай аласыздар. Мен осы кеште Дэниэлдың қандай мықты боксшыға қарсы жұдырықтасатынын түсінемін, дегенмен, ол жеңісті қолдан бермейді", - деп келтіреді Boxingnews24.com Розьенің сөзін.
Мұның алдында Розье америкалық боксшының соққыларынан нокаутқа түспеген үш адам ғана барын және 18 наурыз күні Головкиннің қорғанысы күл-талқан болатынын айтқан еді.