Қазынаға 490 миллион теңге шығын келтірген "Зеренді-Астық" ЖШС басшысы сотталды, - деп хабарлайды Tengrinews.kz тілшісі Астана қаласы бойынша Мемлекеттік кірістер департаментіне сілтеме жасап.
"ҚазАгроФинанс" АҚ компаниясына бөлінген қаражатты жаратып, онымен қоса мемлекетке 490 миллион теңге көлемінде шығын келтірген "Зеренді-Астық" ЖШС басшысы қылмыстық жауапкершілікке тартылды. Сондай-ақ, "Қазына СР" директоры да жиһаз цехінің құрылысы үшін мемлекеттік бюджеттен жалған құжатпен ақша алғаны үшін айыпты деп танылды. Мемлекеттен алынған қаражаттың барлығы жеке қолданыстағы қымбат мүліктерді алуға жұмсалған", - деді Мемлекеттік кірістер департаментінің өкілдері.
Сондай-ақ, осы қылмыстық істер бойынша мемлекетке 2 миллиард теңгеден аса шығынның келтірілгені айтылады. Департаменттегілердің мәліметінше, Қазақстанда соңғы 10-15 жылда 100 миллиард теңге жұмсалған.