Түркістанда жол апатынан 4 адам қаза тапты, - деп хабарлайды "Отырар" басылымы. Жол-көлік оқиғасы 23 мамырда болған.
Полицейлердің мәліметінше, "Жетісай-Жібек жолы" бойында Шымкент бағытына қарай бет алған "Ауди-100" маркалы көлігі қарама-қарсы бағытқа шығып кетіп, "Киа" маркалы автокөлігіне соқтығысқан.
"Жол апаты салдарынан 3 жолаушы оқиға орнында қаза тауып, 1 адам ауруханада көз жұмды. "Киа" маркалы автокөлігіндегі 3 адам түрлі дене жарақаттарымен ауруханаға жеткізілді. Қазіргі таңда тергеу амалдары жүргізіліп, сараптамалар тағайындалды. Күдікті қамауға алынды", - деп хабарлады полицейлер.