Ақтауда көпқабатты жаңа тұрғын үйдің шатыры өртеніп жатыр 19 желтоқсан 2021, 17:11
Ақтаудағы "Флоренция" жаңа тұрғын үй кешенінде өрт шықты. Маңғыстау облысының Төтенше жағдайлар департаменті жағдайға қатысты түсініктеме берді, - деп хабарлайды Tengrinews.kz тілшісі.
Әлеуметтік желідегі кадрларда ғимараттың шатыры жанып жатқаны көрінеді.
Посмотреть эту публикацию в Instagram
Посмотреть эту публикацию в Instagram
Төтенше жағдай қызметі 50 адамды қауіпсіз жерге көшіріп, зардап шеккендердің жоқтығын айтты.
"Қазір зардап шеккендер жоқ. Барлық мемлекеттік органдар жұмыс істеп жатыр", - деді министрліктің баспасөз қызметі.
Кейін департамент өрт туралы хабарлама сағат 15.08-де түскенін айтты.
"Өрт үйдің 500 шаршы метр шатырында шыққан. Қазір оқиға орнында 80 өрт сөндіруші мен арнайы техника жұмыс істеп жатыр. Эвакуациялау кезінде ғимараттан 100 адам шығарылды, оның 20-сы балалар", - деп қосты министрлік.
Сілтемесіз жаңалық оқисыз ба? Онда Telegram желісінде парақшамызға тіркеліңіз!