+7 (777) 001 44 99
Қазақша
Русский
English
Қазақша
Русский
English
Павлодардан шыққан жасөспірім футболшылар мінген команда Астана – Ерейментау – Шідерті тас жолында жол апатына ұшырады. Оқиға орнында команданың бапкері көз жұмды, - деп хабарлайды Tengrinews.kz тілшісі.
Ақмола облыстық Полиция департаментінің баспасөз қызметі хабарлағандай, жол-көлік оқиғасы 18 сәуір күні Mercedes шағын автобусының қатысуымен болған.
"Алдын ала мәлімет бойынша, балалар отырған шағын автобустың жүргізушісі жүк көлігін басып озуға әрекеттеніп, көлік аударылып кеткен. Салонда 14 пен 16 жас аралығындағы 16 бала және бапкер болған. Олар Павлодардан Астанаға жарысқа бара жатқан. Апат салдарынан бапкер оқиға орнында қаза тапты. Балалар медициналық мекемеге жеткізілді, дәрігерлер бақылауында", – делінген Ақмола облыстық ПД баспасөз хабарламасында.
Ведомство автобус балаларды полицейлердің патрульдік ілесуімен алып жүрмегенін атап өтті.
"Жеке спорт мектебінің басшылары өз шәкірттерін жарысқа жібергенімен, полицияны бұл туралы хабардар етпеген. Осы себепті патрульдік ілесу ұйымдастырылмаған. Қазір бұл оқиға бойынша тексеріс жүргізіліп жатыр", – деді полиция өкілдері.
Сондай-ақ Павлодар облысы ПД баспасөз қызметі де футбол мектебінің полициядан ілесу туралы ресми өтініш түсірмегенін хабарлады. Айта кетейік, бұған дейін Қосшы қаласында балабақшаға бара жатқан бүлдіршіндер мінген шағын автобус апатқа ұшырап, жеті бала ауруханаға жеткізілген болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
